XÜLASƏ

Dissertasiya isi, xüsusi törəməli xətti və kvazixətti elliptik tənliklərin keyfiyyət xassələrinin tədqiqinə həsr edilmişdir. Dissertasiyanın əsas nəticələri aşağıdakılardır:

Landis- Gerverin məlum orta qiymət teoreminin yeni çəkili və qeyri-xətti analoqu əldə edilmişdir;
həllin qradiyentinə və koordinat dəyişəninə görə cırlaşması olan tənliklərin müsbət həlləri üçün yeni artma lemması isbat edilmişdir;
cırlaşan kvazixətti elliptik tənliklər üçün izolə edilmiş məxsusi nöqtə ətrafında və sonsuzluqda həllun keyfiyyət xassələrini ifadə edən teoremlər isbat edilmişdir;
kvazixətti elliptik tənliklərin üçün aradan qaldırıla bilən məxsusi çoxluqlar haqqında teorem isbat edilmişdir;
kvazixətti cırlaşan elliptik tənliklər üçün Aleksandrovun maksimum prinsipi tipli həll normasını sağ tərəfin Lebeq norması ilə qiymətləndirən nəticə isbat edilmişdir;
cırlaşan Sobolev fəzalarında Dirixle məsələsinin ümumiləşmiş həllinin varlığını isbat edən nəticələr alınmışdır;
Adams-Mazya tipli qeyri-xətti potensialın Hölder sinfindən olmasına dair nəticə isbat edilmişdir;
Riss potensialı üçün çəkili qiymətləndirmələr ilə daxilolma teoremləri arasındakı əlaqələri ifadə edən yeni nəticə isbat edilmişdir;
baş hissədə cırlaşa bilən p-Laplasion olan kvazixətti bərabərsizliklərin local və qlobal xassələrini əks etdirən nəticələr isbat edilmişdir.