10.12.2014-cü il saat 10:00-da Ümuminstitut seminarında İsrailin Təl-Əviv Universitetinin professoru Yakov Sasun oğlu Yakubov «Hilbert və Banax fəzalarında elliptik diferensial-operator məsələləri üzrə son tədqiqatlar» mövzusunda məruzə edəcəkdir.

Məruzədə Hilbert və Banax fəzalarında ikinci, dördüncü və daha yüksək tərtibli elliptik differensial operator tənlikləri üçün sərhəd məsələləri üzrə son nəticələr təqdim ediləcək. Bir sıra hallarda, sərhəd şərtləri qeyri-requlyar, sərhəd şərtlərinin baş hissəsində spektral parametr və ya qeyri-məhdud operator ola bilər. İzomorfizm haqqında nəticələr, həllərin qiymətləndi-rilməsi, spektrin diskretliyi və köklü vektorlar sisteminin tamlığı alınmışdır. Tətbiqi nöqteyi nəzərdən maraqlı ola biləcək bir konkret abstrakt məsələ də nəzərdən keçiriləcək.