Bu gün AMEA Riyaziyyat və Mexanika İnstitutunda “Qeyri–xətti hiperbolik tənliklər sisteminin qlobal həlləri” mövzusunda Ümuminstitut seminarı keçirilib. Seminarda “Diferensial tənliklər” şöbəsinin müdiri, f.-r.e.d., prof. Əkbər Əliyev məruzə edib.
Məruzədə qeyri-xətti hiperbolik tənliklər sistemi üçün qlobal həll olunan və qlobal həll oluna bilməyən məsələlər haqqında danışılıb. Bu istiqamətdə aparılmış əsas araşdırmalar haqqında məlumat verilib. Sonra struktur dissipasiyalı yarım-xətti psevdohiperbolik tənliklər üçün Fucita tipli kriteriyalardan danışılıb.