Sentyabrın 30-da Ümuminstitut seminarında Almaniyanın Humboldt Universitetinin doktorantı İlmar Qəhrəmanov  “Yanq–Bakster tənliyinin  həlli” mövzusunda məruzə edəcəkdir.

Məruzənin məqsədi inteqrallanan modellər və xüsusilə dəqiq həll olunan qəfəs modelləri ilə bağlı son illər baş verən inkişafı müzakirə etməkdir. Məruzədə Yanq–Bakster tənliyi, ulduz-üçbucaq münasibəti və onların xassələri müzakirə olunacaq. Daha sonra Yanq–Bakster tənliyinin yeni həlləri təqdim ediləcək. Həmçinin Yanq–Bakster tənliyi və riyaziyyatın digər sahələri arasındakı əlaqələrdən danışılacaq.