Sentyabrın 23-də AMEA Riyaziyyat və Mexanika İnstitutunda “Qeyri-bircins “lay -quyu” sistemində qaz-maye qarışığının axın proseslərinin riyazi modelləşdirilməsi” mövzusunda Ümuminstitut seminarı keçirilib. Seminarda “Tətbiqi Riyaziyyat” şöbəsinin əməkdaşı, texnika elmləri namizədi Elxan Abbasov məruzə edib.
Layın deformasiyası və qeyri-bircinsliyi nəzərə alınmaqla qaz-maye qarışığının “lay-quyu” sistemində qeyri-müntəzəm axını təsvir edən inteqral riyazi modeli qurulmuş və qeyri-xətti əlaqəli diferensial tənliklərin həlli tapılmışdır. Alınmış nəticələr quyu ağzı parametrləri əsasında anomal yüksək lay təzyiqi şəraitində istismar olunun quyuların quyudibi və lay təzyiqlərini müəyyən etməyə imkan verir. Göstərilmişdir ki, layın deformasi-yasının nəzərə alınmaması neft quyularının debitlərini 30-32% xəta ilə müəyyən etməyə imkan verir.

Previous Next