05 noyabr 2015-ci il tarixində İsmayıllı rayonunda AMEA-nın müxbir üzvü, f-r.e.d., professor, əməkdar elm xadimi Maqsud Əlisimran oğlu Cavadova həsr olunmuş xatirə günü keçirilmişdir.
Tədbirdə AMEA-nın müxbir üzvü, prof. Maqsud Cavadovun oğlu, nəvəsi və nəticəsi, İsmayıllı rayonunun ziyalıları və şagirdləri, AMEA Riyaziyyat və Mexanika İnstitutunun və Bakı Dövlət Universitetinin alimləri iştirak ediblər.
AMEA Riyaziyyat və Mexanika İnstitutunun alimləri prof. Sabir Mirzəyev, dosentlər Telman Qasımov və Eminağa Məmmədov xatirə gününə həsr edilmiş 9-11 siniflər üçün riyaziyyat üzrə olimpiada keçirmişlər.
Riyaziyyat və Mexanika İnstitutunun direktoru professor Misir Mərdanov və İcra Hakimiyyətinin başçısı professor Mirdamət Sadıxov Olimpiada qaliblərini təltif etmiş və hədiyyələr vermişlər. Sevindirici haldır ki, iştirakçıların bəziləri olimpiada məsələlərini tam həll etmişlər.

Previous Next