AMEA Riyaziyyat və Mexanika İnstitutunun “Qeyri-harmonik analiz” şöbəsinin seminarı keçirilib. Seminarda  şöbənin aparıcı elmi işçisi  r.ü.f.d., dosent Aydın Şükürov “Cırlaşan əmsallı eksponensial və triqonometrik sistemlərin bazislik xassələri haqqında” mövzusunda məruzə edib.

Məruzədə:

• Makenhoupt şərtini ödəməyən xüsusi çəki halında çəkili eksponensial sistemin Lebeq fəzalarında tamlıq, minimallıq və bazisliyinin araşdırılması;
• Baxılan sistemdən element kənarlaşdırmaqla alınan sistemin tam və eyni zamanda minimal olmasını təmin edən çəki funksiyaları sinfinin müəyyən olunması;
• Ümumi çəkili eksponensial və triqonometrik sistemlərin element kənarlaşdırmaqla Şauder bazisi ola bilmə məsələsinin araşdırılması müzakirə olunub.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.