Noyabrın 22-də AMEA Riyaziyyat və Mexanika İnstitutunun “Optimal İdarəetmə” şöbəsinin növbəti seminarı keçirilib. Seminarda “Riyazi analiz” şöbəsinin baş elmi işçisi, r.e.d., Rövşən Bəndəliyev “Kəsr tərtib diferensial tənliklərlə ifadə olunan optimal idarəetmə məsələlərində Pontryaqin maksimum prinsipinin analoqu” mövzusunda məruzə edib.

Məruzədə prosesə kəsr inteqral formada daxil olan və dinamikası Kaputo mənada verilmiş kəsr differensial tənliklər toplusu ilə verilmiş kəsr tərtibli diferensial tənliklə ifadə olunan optimal idarəetmə məsələsinin ümumi şəkildə qoyuluşu haqqında danışılıb. Qeyd edək ki, müasir ədəbiyyatda kəsr tərtib optimal idarəetmə məsələsi üçün Pontryaginin maksimum prinsipi şəklində optimallıq üçün zəruri şərtin isbatında yeni yanaşma təklif edilib. Bu yeni yanaşma kəsr tərtib optimal idarəetmə məsələlərinin həllində istifadə olunan Mittaq-Lefler funksiyasının ümumiləşməsi üzərində qurulub.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.