Bu gün AMEA-nın Riyaziyyat və Mexanika İnstitutunda növbəti Ümuminstitut seminarı keçirilib. Seminarda institutun “Riyazi analiz” şöbəsinin dissertantı dosent Sabir Həsənov “Kəsr maksimal operator və onun kommutatorunun Orliç fəzalarında məhdudluğu üçün meyarlar” mövzusunda məruzə edib.

Məruzədə kəsr maksimal operator və onun kommutatorunun Orliç fəzasında məhdudluğu üçün zəruri və kafi şərtlər haqqında danışılıb. Bu nəticələrin tətbiqi olaraq M_b,_α kəsr maksimal kommutator və [b, M_α] qeyri xətti kəsr maksimal kommutatorunun b Lipşist fəzasından olduqda Orliç fəzasında məhdudluğu üçün meyarlar və Lipşist fəzasının bəzi yeni xarakteristikaları verilib.

Sonda mövzu ətrafında suallar cavablandırılıb.

Previous Next

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.