Milli Aviasiya Akademiyasının rektoru, akademik Arif Paşayev N.Y.Jukovski adına Ukrayna Milli Aerokosmik Universitetinin Xarkov Aviasiya İnstitutunun “Fəxri elmlər doktoru” və “Fəxri professor” attestatları ilə təltif edilib.

Attestatları akademikə ölkəmizdə səfərdə olan Xarkov Aviasiya İnstitutunun rektoru, professor Nikolay Neçiporuk təqdim edib.

Fəxri adlar akademik Arif Paşayevə Ukrayna Milli Aerokosmik Universitetinin Elmi şurasının müvafiq qərarları əsasında elmin və təhsilin inkişafına verdiyi töhfələrə, aviasiya texnikasının diaqnostikasında müasir metod və vasitələrin tətbiqində iştirakına, eləcə də aerokosmik sahə üçün mütəxəssis hazırlığı istiqamətində gördüyü işlərə görə təqdim olunub.

© Mənbə: www.science.az