“Live Science”in məlumatına görə, 21 dekabr gecəsi 20 ildə bir rastlaşılan iki nəhəng planetin yaxınlaşması hadisəsi baş verəcək.  Redaktor.az xəbər verir ki, Yupiter və Saturn bu ilki “böyük görüşdə” qeyri-adi dərəcədə yaxın olacaq. Bu hadisə son dəfə 16 iyul 1623-cü ildə yaşanıb.  Avstraliyanın Monaş Universitetində çalışan astronom Mişel Brovn “Washington Post”a açıqlamasında Yupiterin Günəş ətrafındakı turunun 12, Saturnun isə təxminən 30 ildə tamamlandığını bildirib.

M.Brovn deyib ki, 1623-cü ildə baş verən “böyük birləşmə”də planetlər Günəşə çox yaxın olduğu üçün Yerdən izləmək mümkün olmayıb.  “Bu iki planetin birlikdə görüntüsü 1226-cı ilin mart ayında qeydə alınıb.  Amerika Aviasiya və Kosmik Agentliyinin (NASA) məlumatına görə, iki planetin görüşü Şimal Yarımkürədə ən qısa günün yaşanacağı 21 dekabrda çılpaq gözlə görünə biləcək.