Riyaziyyat və Mexanika İnstitutunun “Riyazi analiz” şöbəsinin müdiri,  AMEA -nın müxbir üzvü, professor Vaqif Quliyevin  və  “Riyazi analiz” şöbəsinin aparıcı elmi işçisi, dosent Mehriban Ömərovanın 1-ci Azərbaycan-Rusiya birgə beynəlxalq qrant müsabiqəsi çərçivəsində həmmüəllifi olduqları məqalə çap olunub. Məqalə “Positivity” (https://www.springer.com/journal/11117/) (WoS, IF-1.030)   Q2 yüksək  impakt faktorlu jurnalda dərc edilib.

“Ümumiləşmiş çəkili Orliç-Morri fəzaları üçün bəzi qiymətləndirmələr və onların divergent olmayan elleptik tənliklərə tətbiqi”  adlı məqalədə bəzi klassik inteqral operatorlar və kommutatorlarının doğurduğu subxətti inteqral operatorların ümumiləşmiş çəkili Orlicz-Morri fəzalarında kəsilməzliyi araşdırılmışdır. Alınan qiymətləndirmələrdən kəsilən əmsallı xətti müntəzəm elleptik operator üçün Dirixle məsələsinin həllinin qlobal requlyarlığını öyrənmək üçün istifadə edilmişdir.

Məqaləni oxumaq üçün linkə keçid edin:

https://link.springer.com/article/10.1007/s11117-022-00896-z

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.