AMEA-nın Rəyasət Heyətinin həftəlik mətbu orqanı olan “Elm” qəzetinin sentyabr ayında ilk nömrəsi çapdan çıxıb.

Qəzetin ön səhifəsində “Prezident İlham Əliyev və birinci xanım Mehriban Əliyevanın Kəlbəcərə səfəri” başlıqlı icmal və “R.B.Hüseynovun “Şərəf” ordeni ilə təltif edilməsi haqqında” Azərbaycan Respublikası Prezidentinin Sərəncamı yer alıb.

Bügünkü sayda, ilk səhifələrdə AMEA-nın prezidenti akademik İsa Həbibbəylinin Azərbaycan Respublikasının Birinci vitse-prezidenti Mehriban xanım Əliyevaya təbrik sözləri, eləcə də Gürcüstana səfəri çərçivəsində Gürcüstan MEA-da görüşləri barədə yazılar dərc edilib.

Qəzetdə AMEA prezidentinin ölkəmizdə səfərdə olan türkiyəli alimlərlə görüşü və Akademiya şəhərciyi ərazisində salınmış Nadir ağaclar parkına baxışı ilə bağlı informasiyalar da təqdim olunur.

Bundan əlavə, qəzetin bugünkü buraxılışında AMEA-nın Gəncə Bölməsində Ulu Öndərin irsinin tədqiqi, təbliği və təşviqi yönündə fəaliyyət göstərən Mərkəzin yenidən qurulması və yeni nəşrlərə dair xəbərlərlə tanış ola bilərsiniz.

Həmçinin bu sayda “İrəvan şəhərinin tarixi və mədəniyyət abidələri müasir konteksdə”, “Elm” təkcə qəzet deyil, biliklər dünyasına bələdçidir” adlı məqalələr və yubiley yazıları təqdim edilib.

Qəzetin rus və ingilis dili bölməsində AMEA prezidenti akademik İsa Həbibbəylinin görüşləri ilə bağlı icmallar, AMEA və Azərbaycan elmi ilə bağlı məqalələr, o cümlədən ötən həftə AMEA-da keçirilən tədbirlərə və son elmi yeniliklərə dair xəbərlər yer alır.

science.gov.az