Azərbaycan Respublikası Elm və Təhsil Nazirliyi
Riyaziyyat və Mexanika İnstitutu
07/11/2024
Noyabrın 6-da Elmi Təşkilatların Birləşmiş Həmkarlar İttifaqı Komitəsi Zəfər gününə həsr edilmiş tədbir keçirdib. Azərbaycan Respublikası Elm və Təhsil Nazirliyi Kataliz və Qeyri-Üzvi Kimya İnstitutunda baş tutan tədbirdə Azərbaycan Həmkarlar İttifaqları Konfederasiyasının (AHİK) üzv təşkilatı Təhsil İşçiləri Azad Həmkarlar İttifaqı Respublika Komitəsinin (ATİAHİ RK) sədri Araz Paşayev, şəhid, qazi ailələri,institutların Həmkarlar Təşkilatının sədrləri iştirak edib.
Tədbir Azərbaycan Respublikasının Dövlət Himninin səsləndirilməsi, Vətənimizin ərazi bütövlüyü və suverenliyi uğrunda canından keçmiş şəhidlərin əziz xatirəsinin bir dəqiqəlik sükutla yad edilməsi ilə başlanıb.
Tədbiri giriş sözü ilə açan Elmi Təşkilatların Birləşmiş Həmkarlar İttifaqı Komitəsinin sədri hüquq elmləri doktoru Habil Qurbanov Vətən müharibəsində qazanılmış Qələbəyə həsr olunmuş yığıncağı Azərbaycanın üçrəngli bayrağının azad edilmiş ərazilərimizdə ucaldılaraq qürurla dalğalandığını deyib.
Daha sonra tədbirdə Azərbaycan Təhsil İşçiləri Azad Həmkarlar İttifaqı Respublika Komitəsinin sədri Araz Paşayev Müzəffər Ali Baş Komandan İlham Əliyevin rəhbərliyi altında 44 gün ərzində Azərbaycan Ordusunun qazandığı tarixi Qələbədən söhbət açıb. İkinci Qarabağ müharibəsində əldə olunmuş Zəfərin ordumuzun gücünün, xalqımızın birlik və həmrəyliyinin bariz təcəssümü olduğunu vurğulayıb.
Tədbirdə Riyaziyyat və Mexanika İnstitutunun “Harmonik analiz” şöbəsinin baş Elmi işçisi, Birinci Qarabağ Müharibəsi veteranı, professor Telman Qasımov və “Riyazi analiz” şöbəsinin böyük elmi işçisi, r.ü.f.d., şəhid bacısı Aynur Məmmədova 44 günlük Vətən müharibəsində Azərbaycan Ordusunun şücaətindən, tarixi Qələbənin əhəmiyyətindən, əsgər və zabitlərimizin rəşadətindən danışıblar.
Sonra tədbirdə İnstitutların Həmkarlar Təşkilatı sədrlərin verdiyi suallar cavablandırılıb.Qeyd edək ki, tədbirdə Riyaziyyat və Mexanika İnstitutunun Həmkarlar Komitəsinin sədri, dosent İradə Mirzəzadə iştirak edib.
Sonda II Qarabağ müharibəsinin qazilərinə və iştirakçılarına mükafatlar təqdim edilib.
© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.
