AMEA-nın Rəyasət Heyətinin həftəlik mətbu orqanı olan “Elm” qəzetinin dekabr ayında ilk sayı çapdan çıxıb.

Qəzetin ön səhifəsində Prezident İlham Əliyevin “Qayıdış hüququ: Ermənistandan zorla çıxarılmış azərbaycanlılar üçün ədalətin təmin edilməsi” mövzusunda II beynəlxalq konfransın iştirakçılarına”, “Azərbaycan könüllülərinin VII həmrəylik forumunun iştirakçılarına” və “Azərbaycan Uşaqlarının VI Ümumrespublika Forumunun iştirakçılarına” müraciətləri yer alıb.

Bugünkü sayda, ilk səhifələrdə AMEA kollektivi adından COP29 tədbirinin ölkəmizdə yüksək səviyyədə təşkilinə görə dövlətimizin başçısına minnətdarlıq bildirilib.

Həmçinin “COP29: çağırışlar və AMEA qarşısında duran vəzifələr” başlıqlı Rəyasət Heyətinin iclasına dair yazı, AMEA-da keçirilən III Beynəlxalq Türkoloji Konqres və Məhəmməd Füzulinin 530 illiyinə həsr olunan yekun tədbir haqqında informasiyalar və ümumilikdə AMEA-nın prezidenti akademik İsa Həbibbəylinin iştirakı ilə keçirilən tədbirlərlə bağlı yazılar təqdim edilib.

Bundan əlavə, qəzetdə AMEA-nın institutlarında və təşkilatlarında keçirilən hesabatlar və digər tədbirlər  haqqında xəbərlər dərc olunub.

Bugünkü buraxılışda AMEA-nın prezidenti akademik İsa Həbibbəylinin “Alim ömrünün ziyası” və fəlsəfə elmləri doktoru Füzuli Qurbanovun “AMEA-nın inkişaf konsepsiyası və “Yol Xəritəsi” adlı məqalələri də təqdim edilib.

Qəzetin rus və ingilis dili bölməsində akademik İsa Həbibbəylinin iştirak etdiyi tədbirlərlə bağlı yazılar və son elmi yeniliklərə dair informasiyalar yer alıb.

science.gov.az/az