Konfrans Azərbaycan Respublikası Rəqəmsal İnkişaf və Nəqliyyat Nazirliyi, İstanbul Cərrahpaşa Universiteti, Ağrı İbrahim Çeçen Universiteti və Bakı Dövlət Universitetinin nəzdində Tətbiqi Riyaziyyat Elmi-Tədqiqat İnstitutunun birgə təşkilatçılığı ilə reallaşıb.

“Sənaye, tətbiqli idarəetmə və optimallaşdırma” mövzusunda keçirilən 9-cu beynəlxalq elmi konfransda Türkiyənin Yıldız Texniki Universitetinin professoru, AMEA-nın müxbir üzvü Surxay Əkbərovun həmmüəllifi olduğu elmi məruzə təqdim edilib.

Konfransda Riyaziyyat və Mexanika İnstitutunun böyük elmi işçisi, mexanika üzrə fəlsəfə doktoru Emin Bağırovun “Sıxılan qeyri-özlü mayedə batırılmış qeyri-bircins ön gərginlikli silindrdə yayılan oxasimmetrik dalğaların dispersiyasında SQS rejimlər haqqında” məruzəsi konfrans iştirakçılarında böyük maraq doğurub, mövzu ətrafında müzakirələr aparılıb.

Bu günlərdə İstanbulda professor Arif Səlimova həsr olunan elmi konfransda alimin “Tenzor diferensiallama operatorları və lift problemləri” mövzusunda məruzəsi də dinlənilib, ISCDFAMS mükafatı ilə təltif edilib.

Konfransda, həmçinin E.Bağırovun “Elastodinamikanın xəttiləşdirilmiş tənliklərinin qeyri-bircins ilkin gərilmələr olduğu durumda həll metodu” məruzəsi dinlənilib. Azərbaycanlı alim konfransın təşkilat komitəsi tərəfindən müvafiq sertifikatlarla təltif olunub.

Previous Next

azertag.az