AMEA Riyaziyyat və Mexanika İnstitutunda növbəti Ümuminstitut seminarı keçirilib. Seminarda institutun “Riyazi analiz” şöbəsinin müdiri, AMEA-nın müxbir üzvü, professor Vaqif Quliyev “Kəsr maksimal operatorun kommutatorunun Orliç fəzalarında Lipşitz sinfindən olan funksiyalar ilə təsviri” mövzusunda məruzə edib.

Məruzədə kəsr inteqral operatorun kommutatorunun Orliç fəzalarında Lipşitz sinfindən olan funksiyalar ilə təsvirindən bəhs olunub. Həmçinin b-kommutator funksiyanın Lipşitz fəzasından olması üçün kəsr maksimal operatorun kommutatorunun Orliç fəzalarında məhdudluğunun zəruri və kafi şərt olması göstərilib.

Sonda mövzu ətrafında müzakirələr aparılıb, suallar cavablandırılıb.

Previous Next

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.