AMEA-nın Rəyasət Heyətinin həftəlik mətbu orqanı olan “Elm” qəzetinin dekabr ayında növbəti sayı çapdan çıxıb.

Qəzetin ön səhifəsində “Prezident İlham Əliyev “Rossiya Seqodnya” Beynəlxalq İnformasiya Agentliyinin Baş direktoru Dmitri Kiselyova müsahibə verib” başlıqlı icmal yer alıb.

Bugünkü sayda, AMEA-da keçirilən “Asiya xalqları ədəbiyyatı: ənənələr və müasir tendensiyalar” mövzusunda beynəlxalq elmi konfransla bağlı yazılar, konfrans çərçivəsində AMEA-nın prezidenti akademik İsa Həbibbəylinin görüşləri, konfransda iştirak edən Asiyalı alimlərin tədbirlə bağlı təsüratları təqdim edilib.

“Elm” qəzetinin 20 dekabr nömrəsində AMEA-nın prezidenti akademik İsa Həbibbəylinin iştirak etdiyi “Divanü lüğat-it-türk”ün Azərbaycan nəşri UNESCO zirvəsində” adlı beynəlxalq konfrans, “Şavkat Mirziyoyev fenomeni” kitabının təqdimat mərasimi və digər tədbirlər haqqında informasiyalar dərc edilib.

Bundan başqa, qəzetin bugünkü buraxılışında “Azərbaycan Milli Ensiklopediyası” Elmi Mərkəzinin direktoru akademik Tofiq Nağıyevlə müsahibə, filologiya elmləri doktoru Qəzənfər Paşayevin müəllifi olduğu “Azərbaycan tarixində iz qoyan şəxsiyyətlərə borcumuzdur bu ehtiram” başlıqlı məqalə və yeni elmi nəşrlərə dair xəbərlər təqdim olunub.

Qəzetin rus və ingilis dili bölməsində AMEA prezidenti akademik İsa Həbibbəylinin iştirakı etdiyi tədbirlərlə bağlı icmallar, “Elm” qəzetinin baş redaktoru, filologiya üzrə fəlsəfə doktoru Ağahüseyn Şükürovun Almaniyanın Karlsruhe Texnologiya İnstitutunun professoru, Beynəlxalq Elmi şuranın ilk katibi olmuş professor Alik İsmayılzadə ilə müsahibəsi və digər xəbərlər yer alıb.

science.gov.az