21 iyun 2023-cü il tarixində AR Elm və Təhsil Nazirliyi Riyaziyyat və Mexanika İnstitutunda Ümuminstitut seminarı keçirildi. Seminarda “Qeyri-harmonik analiz” şöbəsinin müdiri AMEA-nın müxbir üzvü, f.-r.e.d., prof.  Bilal Telman oğlu Bilalov “Qrənd Sobolev fəzalarında 2m tərtib elliptik tənlik üçün Dirixle məsələsinin fredholmluğu haqqında” mövzusunda məruzə ilə çıxış etdi.

Məruzədə kifayət qədər hamar ∂Ω sərhədinə malik Ω⊂Rⁿ  oblastında baş hissəsinin əmsalları kəsilməz olan 2m tərtib müntəzəm elliptik tənliyə baxılmışdır. L_p) (Ω), 1<p<+∞ Qrənd-Lebeq fəzasına baxılmşıdır. Bu fəza separable fəza deyil. Bu səbəbdən L_p) (Ω) fəzasının sonsuz diferensiallanan funksiyaların sıx olduğu separabel N_p) (Ω) alt fəzası təyin olunmuşdur. N_q) (Ω) alt fəzasının doğurduğu 2m tərtib Sobolev mənada diferensiallanan funksiyaların N_p)^2m(Ω) qrənd Sobolev fəzası təyin olunmuşdur.  Bu tənlik üçün sərhədə qədər çauder tip qiymətləndirmə isbat olunmuşdur. Bu qiymətləndirmədən istifadə edərək aprior qiymətləndirmə alınmış və N_p)^2m(Ω) fəzasında baxılan 2m tərtib elliptik tənliyin fredholmluğu  isbat olunmuşdur. Həll dedikdə güclü həll başa düşülür.

Previous Next

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.