Riyaziyyat və Mexanika İnstitutunun Riyazi analiz şöbəsinin müdiri, AMEA-nın müxbir üzvi, professor Vaqif Quliyev 2015-ci il mayın 25-dən 29-dək Rusiyanın Steklov adına Riyaziyyat İnstitutunda keçiriləcək akademik S.M.Nikolskinin 110 illik yubileyinə həsr edilmiş “Funksiyalar fəzası və funksiyaların yaxınlaşma nəzəriyyəsi” adlı beynəlxalq konfransa dəvət almışdır. AMEA-nın müxbir üzvi, professor Vaqif Quliyev “Karnot qruplarında təyin edilmiş kəsr inteqral operatorların lokal Morri tipli fəzalarda məhdudluğu üçün zəruri və kafi şərtlər” adlı məruzə ilə çıxış edəcəkdir.