Bu gün Ümuminstitut seminarında AMEA-nın İdarəetmə Sistemləri İnstitutunun aparıcı elmi işçisi, f.r.e.n., dos. İlqar Qürbət oğlu Məmmədov “Qeyri-hamar əmsallı ümumiləşmiş Manjeron tənliyi üçün Dirixle məsələsinin korrekt həllolunması barədə” mövzusunda məruzə edib.

Qeyri-hamar əmsallı, dördtərtibli bir psevdoparabolik tənlik üçün uzlaşma şərtləri tələb etməyən qeyri-klassik şərtli Dirixle məsələsinə baxılır. Qoyulan məsələnin həlli izotrop Sobolev fəzasında axtarıldığı halda, bu şərtlərin klassik sərhəd şərtlərinə ekvivalentliyi əsaslandırılmışdır. Korrekt həllolunma inteqral göstərilişlər metodunun köməyi ilə tənliyin əmsalları üzərinə qoyulan qeyri-hamarlıq şərtləri daxilində Fredholm tənliklər sisteminə reduksiya olunmaqla qurulur.

Previous Next