Riyaziyyat və Mexanika İnstitutunun beynəlxalq əlaqələrində əsas yeri ABŞ, Almaniya, Belarus, Çin Xalq Respublikası, Fransa, Gürcüstan, Hollandiya, İngiltərə, İran, İtaliya, Qazaxıstan, Misir Ərəb Respublikası, Özbəkistan, Polşa, Rusiya Federasiyası, Türkiyə, Ukrayna, Yaponiya və Asiyanın digər ölkələri tutur.
Bir çox yaxın xarici və beynəlxalq şirkət və təşkilatlar – LUKOİL; TNK BP; Sinopec, CNPC, Petrochina, CNOOC, COSL, GCC (ÇXR); İNTAS, ABŞ-ın Department of Energy (DOE), ABŞ-ın Mülki Tədqiqatlar və İnkişaf Fondu və başqaları ilə əməkdaşlıq qurulmuş və inkişaf etdirilir.
Riyaziyyat və Mexanika İnstitutunun beynəlxalq elmi əlaqələrdəki uğurları, əcnəbi riyaziyyatçılarla və mexaniklərlə aparılmış elmi tədqiqatların nəticələri deməyə imkan verir ki, bu gün Azərbaycanın dünyaya inteqrasiya etməsində elmimizin özünəməxsus rolu vardır. Bu rolun müəyyən hissəsi Riyaziyyat və Mexanika İnstitutunun beynəlxalq elmi əlaqələrinin payına düşür.
Riyaziyyat və Mexanika İnstitutunun beynəlxalq əlaqələrində əsas sahəni funksional analiz; funksiyalar nəzəriyyəsi; diferensial tənliklər; riyazi analiz; riyazi fizika tənlikləri; cəbr və riyazi məntiq; qeyri-harmonik analiz; tətbiqi riyaziyyat; dalğa dinamikası; sürüncəklik nəzəriyyəsi; maye, qaz mexanikası və plastiklik nəzəriyyəsi; hesablama riyaziyyatı və informatika tədqiqatları tutur.